Nënkryetarja e Partisë Demokratike të Kosovës (PDK), Vlora Çitaku ka thënë se anëtarësimi i vendit në NATO është “ekzistencial”.

Çitaku këtë deklarim ka bërë në llogarinë e saj në ‘Twitter’. Ajo ka shtuar se puna e parë që duhet të bëhet është anëtarësimi në Partneritetin për Paqe, program në kuadër të NATO-s.

“Kosova kërkon të anëtarësohet në #NATO, jo sepse duam të jemi anëtare e ndonjë klubi #VIP. Këtu nuk bëhet fjalë për prestigj. Anëtarësimi në të është ekzistencial”, ka shkruar Çitaku.

“Kosova duhet të jetë partner i besueshëm dhe Perëndimi duhet ta mbajë fjalën”, ka thënë më tej nënkryetarja e PDK-së.

Kosovo ?? wants to join #NATO, not because we want to be a member of some #VIP club. This is not about prestige. It is existential.

Kosovo must be a reliable partner, and the west must keep its end of the bargaining.

We shall do our homework ✅
PfP is the 1st step.

— Vlora Çitaku ? (@vloracitaku) March 17, 2022

Partneriteti për Paqe është program i Organizatës së Traktatit të Atlantikut të Veriut që synon krijimin e besimit midis NATO-s dhe shteteve të tjera në Evropë. Në këtë program, janë anëtare 20 shtete./arbresh.info/